THIRRJE TE HAPURA
Thirrje për Projekt Propozime
Projekt i financuar nga BE “Luftimi i diskriminimit, gjuhës së urrejtjes dhe dhunës me bazë gjinore” kontrata nr. 2022/441-438”
Përshkrimi i programit
Qendra e Trajnimeve dhe Burimeve për Avokim (ATRC) ka nderin të njoftojë të gjitha palët e interesuara për Thirrjen për Propozime që synon të ndaj 50,000 euro të ndarë në 5 çmime në shumën nga 10,000 euro.
Qëllimi i projektit të implementuar nga ATRC, Internews Kosova dhe Demokracia për Zhvillim është “Rritja e transparencës dhe llogaridhënies institucionale dhe rritja e ndërgjegjësimit dhe mobilizimit të qytetarëve për të luftuar diskriminimin, gjuhën e urrejtjes dhe dhunën me bazë gjinore.”
Kjo Thirrje për Propozime do të ofrojë një mundësi për OSHC-të rinore lokale që veprojnë dhe punojnë në Kosovë për të zbatuar veprime në fushën e të drejtave të njeriut, arsimit, demokracisë, sundimit të ligjit, të drejtave të grave, më konkretisht aplikantët e mundshëm do të propozojnë ide kreative dhe do të kërkojnë mbështetje për aktivitete që promovojnë dhe mbrojnë të drejtat e njeriut, ndërgjegjësimin dhe mobilizimin e rritur të qytetarëve për të luftuar diskriminimin, gjuhën e urrejtjes dhe dhunën me bazë gjinore.
Ata mund të propozojnë kërkime, raportime investigative dhe aktivitete për rritjen e ndërgjegjësimit, plus mënyra të tjera për të përfshirë drejtpërdrejt shoqërinë në dialog me autoritetet publike në nivelet qendrore dhe lokale të qeverisjes. Kjo Thirrje për Propozime përmban një LOT:
LOT I: “Luftimi i diskriminimit, gjuhës së urrejtjes dhe dhunës me bazë gjinore përmes angazhimit të të rinjve“Buxheti total i projektit për çdo mbështetje financiare të kërkuar sipas kësaj Thirrje për Propozime duhet të jetë ndërmjet shumave të mëposhtme: Lot I: Shuma maksimale prej 10,000 euro – Kohëzgjatja: 6 muaj deri në 12 muaj
Aplikimet DUHET të dërgohen me email tek [email protected] deri më 15 janar 2024, ora 16:00.
Udhëzimet për Aplikim dhe dokumentet shoqëruese për përzgjedhjen dhe zbatimin e projekteve që do të financohen janë renditur më poshtë:
- Udhëzime për aplikim
- Formulari i aplikimit (Aneksi I)
- Formulari i buxhetit (Aneksi II)
Aplikimet mund të dorëzohen në gjuhën shqipe, serbe ose angleze.
Sesioni formuese do të mbahet më 26 dhjetor 2023, ora 10:00. në platformat përkatëse virtuale. Ndërsa seanca informuese e radhës do të mbahet në fillim të muajit janar 2024, datë për të cilen do të njoftohen përmes rrjeteve sociale.
Pyetjet në lidhje me Thirrjen për Propozime mund të dërgohen në shqip, anglisht, ose serbisht me email deri më 25 dhjetor 2023, në email: [email protected]
Pyetje dhe Përgjigje
A kemi të drejtë te aplikojme si kompani?
Jo, nuk jeni të lejuar të aplikoni në këtë thirrje për projekt propozime.
A është e domosdoshme që biznesi të jete i regjistruar 6 muaj përpara se të publikohet kjo thirrje?
Po është e nevojshme që çdo aplikues të jetë i regjistruar 6 muaj përpara kësaj thirrje.
Sa grante do të ndahen në tërësi?
ATRC planifikon të japë deri në 5 grante.
A mund të aplikojë në kohëzgjatje prej 5 muaj?
Jo mund të aplikoni në kohëzgjatje me pak se 6 muaj, 6 deri 12 muaj.
A mund të fokusohemi të punojë vetem në një Komunën?
Të gjitha aktivitetet që do të zbatohen brenda fushëveprimit të programit të nën-granteve duhet të zbatohen në Kosovë; ato mund të përqendrohen në një komunë, një rajon ose të mbulojnë tërë territorin e Kosovës.
Cilat mund të jenë target grupet e preferuara?
Target grupet të cilat duhet të synohen që të përfshihen në projekt propozime janë grupet e margjinalizuara grate, të rinjët, komuniteti jo-shumicë, personat me aftësi të kufizuara.
Cilat dokumente duhet të dorëzohen?
Dokumente që duhet të dorëzohen janë Forma e aplikimit, Formën e bugjetit, dhe aktin e regjistrimit.
A mund të dorëzohen dokumentet fizikisht?
Dokumentet për aplikim duhet të dërgohen në email adresën [email protected] dhe jo fizikisht.
A duhet të jenë dokumentet e vulosura dhe nënshkruara?
Jo, por ju lutem të plotësoni formën tabelare përfundimtare kontrolluese të aplikimit që gjindet në faqen e fundit të Formës së Aplikimit.
Kur do të fillojë implementojë i projekteve?
Fillimi i implementimit të projektit parashihet të jetë nga muaji shkurt 2024.